дыбыспен барлау

(Звуковая разведка)

қарсыластың көзге көрінбей атып жатқан батареялары (зеңбіректер, минаатарлар, реактивті артиллерияның ұшыру қондырғылары) туралы мәліметтерді, олардың атуларының дыбыстарын дыбыс өлшеуіш құралдардың көмегімен табу; артиллериялық аспапты барлаудың құрылымдық бөлігі. Д.б-дың міндеті өз артиллериясының атысына қызмет көрсету, снарядтардың (миналардың) жарылысының ауытқуын, дыбыстық реперлер-дің координатасын анықтау, жою атысын бақылау. Д. б. жағдайдың көрінімділігіне тәуелсіз, сондықтан жылдың кез келген уақытында жүргізе беріледі және оны қарсыластың барлауы іздеп табуы өте қиын.